प्रातः स्मरण मंत्र

 *महामृत्युंजय मंत्र* 

ॐ हौं जूं सः ॐ भूर्भुवः स्वः ॐ त्र्यम्बकं यजामहे सुगन्धिं पुष्टिवर्धनम् 

उर्वारुकमिव बन्धनान्मृत्योर्मुक्षीय मामृतात् ॐ स्वः भुवः भूः ॐ सः जूं हौं ॐ

 *गायत्री मंत्र* 

ॐ भूर्भुव: स्व: तत्सवितुर्वरेण्यं 

भर्गो देवस्य धीमहि धियो यो न: प्रचोदयात्।

 *श्री गणेश प्रातः स्मरण मंत्र* 

प्रातः स्मरामि गणनाथमनाथबन्धुं

सिंदूरपूरपरिशोभित गण्डयुग्मम् ।

उद्दण्डविघ्नपरिखण्डनचण्डदण्डं

आखण्डलादि सुरनायक वृन्दवन्द्यम् ॥

 *श्रीविष्णोः प्रातःस्मरणम्* 

प्रातः स्मरामि भवभीतिमहार्त्तिशान्त्यै

     नारायणं गरुडवाहनमब्जनाभम् ।

ग्राहाभिभूतवरवारणमुक्तिहेतुं

     चक्रायुधं तरुणवारिजपत्रनेत्रम् ॥

 *श्री शिव प्रातः स्मरण स्तोत्रम्* 

प्रातः स्मरामि भवभीतिहरं सुरेशं 

गङ्गाधरं वृषभवाहनमम्बिकेशम् ।

खट्वाङ्गशूलवरदाभयहस्तमीशं 

संसाररोगहरमौषधमद्वितीयम् ॥

 *देवी दुर्गा* 

प्रातः स्मरामि शरदिन्दुकरोज्ज्वलाभां

सद्रत्नवन्मकरकुण्डलहारभूषाम्।

दिव्या युधोर्जित सुनील सहस्त्रहस्तां

रक्तोत्पलाभचरणां भवतीं परेशाम्॥

 *भगवान सूर्य* 

प्रातः स्मरामि खलु तत्सवितुर्वरेण्यं

रूपं हि मण्डलमृचोऽथ तनुर्यजूंषि।

सामानि यस्य किरणाः प्रभवादिहेतुं,

ब्रह्माहरात्मकमलक्ष्यमचिमत्यरूपम्॥

 *त्रिदेवों के साथ नवग्रह स्मरण* 

ब्रह्मा मुरारीस्त्रिपुरांतकारी 

भानु: शाशी भूमिसुतो बुधश्च ।

गुरुश्च शुक्र: शनि-राहु-केतवः

कुर्वन्तु सर्वे मम सुप्रभातम ॥

 *ऋषि-गण* 

भृगुर्वसिष्ठः क्रतुरंगिराश्च

मनु: पुलस्त्य: पुलहश्च गौतमः।

रैभ्यो मरीचिश्च्यवनश्च दक्षः

कुर्वन्तु सर्वे मम सुप्रभातम्॥

 *प्रकृति* 

पृथ्वी सगन्धा सरसास्तथापः

स्पर्शी च वायुर्ज्वलितं च तेजः।

नभ: सशब्दं महता सहैव

कुर्वन्तु सर्वे मम सुप्रभातम्॥